سيرفر سيلك رود الخاص( private Server ) شرح السيرفر + روابط التحميل

اخوانى فى الله

السلام عليكم ورحمه الله وبركاته

اولا انا جبت الموضوع ده نظرا لكثره الطلب عليه
ولكن قبل مبدا فى الموضوع احب اقول حاجه عشان اخلص ضميرى قدام ربنا
الموضوع للامانه منقول انا مكنتش عاوز اجيبه عشان منقول بس نظرا لزياده الطلب

بسم الله الرحمن الرحيم


الموضوع دة فية اجزاء كتير متكررة وحجات جديدة مضافة انا حبيت اجمعها كلها عشان يكون موضوع كامل وسهل ويجيب من الأخر وان شاء الله كل حاجة هتبقى واضحه بالصور + الروابط

اولاً تعريف للسرفر الخاص لسيلك رود
هو سيرفر خاص خارج اللعبة على غرار سيرفرات WoW الخاصة لكن من غير بجات ولا مشاكل زى سرفرات wow وكل الاسكلات كاملة واللفلات لحد 90 ومنطقة الروك مفتوحة , اللفلات اسرع عشر مرات من سيلك رود , معدل الدروبات اكترمن سيلك رود بعشر مرات , الجولد اكتر من سيلك رود عشر مرات يعنى الوحش الواحد العادى مش الجاينت ولا الشامبيون هيوقعلك من 400 : 1000 جولد وكل ما الوحش يزيد الجولد الى بيوقعه هيزيد .
السرفر عبارة عن لعبة هية هية سيلك رود وفيها سرفر واحد بس بعيدا ً عن سيلك رود وهو سيرفر خاص فية كل الى بتتمناه انه يتحقق لفلات سريعة فلوس كتير دروبات كتير مفيش جولد بوترز مفيش لاج غبى مفيش ديسكونكت ومفيش تمييز بين لاعب واخر , فية ايتم مول برضة لكن اسعاره اقل بكتير مثلا الارنب ب 55 سيلك مش 88

ومش شرط تشحن ومش هتحتاج بوت اساسا مع ان السرفر الخاص مدعملة بوت ومصرح بيه ومفيش شئ هناك اسمة بلوك البوت رسمى لكن اشك انك هتحتاجلة بصراحة انا عن نفسى فى اربع تيام جمعت 12 مليون دة غير الحجات الى مبعتهاش وكل دة من غير مفتح غير 2 stalls بس + كمان جبت لفل 39 / 88%
اظن الفرق شاسع جدا بين سيلك رود البريميوم وسيلك رود على السرفرات الخاصة


السرفر الخاص هوهو سيلك رود الجرافيك والشخصيات والاسكلات كل حاجة بس الفرق انها احسن او بمعنى اصح كدة فيها كل الى بتتمناه يكون فى سيلك رود والى مش هتعرف تحققة فى سيلك رود هتقدر وباقل مجهود تحققة على السرفر الخاص لانك مش هيضيع وقتك وتقعد 24 ساعة عشان تجيب 20 % ولا حاجة لأ دة هنا تخش تجيبلك تلت اربع خمس ست لفلات وتطلع تريدة وتلعبلك شوية بى فى بى وتقفل وتروح تشوف احوالك .
طيب نذكر عيوبة بما اننا ذكرنا مميزاته :


عيوبة مفيش ولف ( بس جارى تصليح العيب ووجد مع بعض الناس ولف ) الاسكلات لحد لفل 70 بس رغم ان لفل 90 مفتوح ( لكن السرفر بما انه فى تقدم مستمر فية اخبار كويسة من موقع السرفر الخاص باضافة اسكلات لفل 80 ) , مفيش اوروبى لكن بردو هيضيفو الاوروبى
مفيش auto pot يعنى الدم وال mp مش بيملى لوحده لكن المشكلة دى اتحلت بمجرد برنامج صغير جدا جدا سكريبت مش بوت ولا حاجة ولا برنامج يصطب ولا كلام من دة مجرد سكريبت يشغلك شحن البوشنز الاوتوماتيكى اعتقد العيوب دى متعتبرش عيوب بمقارنه سيلك رود البريموم ديسكونكت بمشاكلها المعروفة .
مع العلم ان العيوب دى جارى تصليحها وحتى يتم تصليحها مش هتحس بيها اصلا , والناس الى زعلانه ان مفيش ولف رغم ان الولف موجود مع بعض الناس وجارى تصليح عيب عدم وجود الولف لكن احب اقول مع كل المميزات دى الى فى السيرفر الخاص قصاد الولف يغوووور الولف لكن اطمنو الولف موجود لكن غالى شوية عشان نادر والولف هيضاف عادى جدا جدا قريب وهيضيفو الاوروبى كمان والسكلات لحد لفل 80 الجديدة وكل شئ هيضاف وساعتها سيلك رود العادية هتبقى فى طريقها للزوال والانقراض !